Nagsagawa ng assessment ang Armed Forces of the Philippines (AFP) sa pinagsama-samang sandata nito sa isang live fire exercise sa pagpapatuloy ng AFP Joint Exercise “Dagat-Langit-Lupa.
Sinaksihan ni AFP Chief Gen. Romeo Brawner Jr. ang ehersisyo na nagpakita ng kakayahan ng mga pangunahing serbisyo ng militar na magsagawa ng joint territorial defense operations.
Ito ay upang itampok ang walang hanggang pagsasama-sama ng iba’t ibang mga unit at plataporma ng militar.
Itinampok sa ehersisyo ang mga bagong nakuhang artilleries ng Philippine Army (PA) at Philippine Marine Corps (PMC) tulad ng Autonomous Truck Mounted Howitzer System (ATMOS) at Soltam M-71 howitzer na nakikipagtulungan sa Philippine Air Force (PAF) Agusta Westland AW109 attack helicopter at A-29B Super Tucano light attack aircraft.
Ang nasabing joint exercise ay isang ehersisyo kung saan ang Armed Forces of the Philippines ay sama-samang nag-eehersisyo upang mapalakas ang kapasidad ng militar ng Ph.
Ito ay kinabibilangan ng mga tauhan ng Army, Navy, at Air Force na naglalayong palakasin ang defense posture ng bansa.
Mahigit 1,500 active and reserve forces mula sa Army, Air Force, Navy, Marines, Special Operations Command, at Cyber Group ang nakikilahok sa ehersisyo na nagsimula noong Nob. 6 at tatagal hanggang 17 ng taong kasalukuyan.
