Pinag-aaralan na ng Land Transportation Office (LTO) ang posibilidad na ibaba ang administrative fees at iba pang singil para sa mga unclaimed impounded motor vehicles (UIMV) na nakatakdang ipasubasta.
Sinabi ng kagawaran na ang hakbang ay ginawa matapos magreklamo ang mga dumalo sa auction proceedings sa ilang mga tanggapan nito na ang mga presyo ng unclaimed impounded motor vehicles (UIMV) ay “parehong bago kahit na wala na sila sa kondisyon.”
Dahil dito, sinabi ni Land Transportation Office (LTO) Chief Assistant Secretary Teofilo Guadiz III na kanilang nire-review ang Department Order No. 93-693 series of 1992 o ang “Revised Schedule of Administrative Fees and Charges of the Land Transportation Office”, partikular sa impounding fees at iba pang singil.
Sa ilalim ng probisyon, sinabi ni Guadiz na ang impounding fee ay naka-pegged sa P100 habang ang storage fee ay nasa P15 kada araw.
Sinabi rin ni Guadiz na maaari silang humingi ng rekomendasyon sa mga technical expert mula sa mga ahensya ng gobyerno tulad ng Technical Education and Skills Development Authority (TESDA) para matukoy ang working condition at kalidad ng mga sasakyan bago ito i-auction.
Bukod dito, sinabi ng ahensiya na ang mga hindi nabentang sasakyan para sa auction ay maaaring i-donate sa TESDA at mga kolehiyo at unibersidad ng estado “para magamit nang mabuti.”
