Maari pa ring ituloy ng ABS-CBN ang kanilang operasyon kahit mapaso ang kanilang prangkisa sa susunod na buwan at hindi pa maaprubahan ng Kongreso ang franchise renewal application nito.

Sa isang ambush interview sa Kamara, sinabi ni House Committee on Legislative Franchises vice chairman Antonio Albano na maaring ituloy ng ABS-CBN ang operasyon nito ng hanggang 2022.

Ito ay dahil nakahain naman kasi aniya ngayong 18th Congress ang application ng naturang media giant para sa kanilang franchise renewal.

“May I remind the public that even if the ABS-CBN franchise expires on the said date on March, it doesn’t mean that ABS-CBN will close completely because the rule of thumb. I believe this in the committee we were briefed on this is that while 18th Congress is still ongoing hindi po titigil ang services ng ABS-CBN hanggat po hindi natatapos ang 18th Congress,” ani Albano.

“Siguro nangangamba yung iba na by March 30 yung expiration ng kanilang contract because they file the petition in the House of Representatives then this petition is being heard and then by virtue of yung sinasabi nating clearance in Congress ay hindi pa naglalapse dahil nakapagapply po sila ng position,” dagdag pa nito.

-- Advertisement --

Sa ngayon, 11 panukalang batas para sa franchise renewal ng ABS-CBN ang nakabinbin sa House Committee on Legislative Franchises.

Kahapon, naghain ng quo warranto petition ang Office of the Solicitor General laban sa lopez-led media company dahil sa mga paglabag daw nito sa batas.