CENTRAL MINDANAO – Apat katao ang nasawi sa pamamaril nitong umaga sa Brgy Tubon, Pigcawayan, Cotabato.
Ayon sa ulat ng Pigcawayan PNP, lulan ang mga biktima sa isang kulay pula na Toyota Innova na may plakang MAF-2108 patungong Cotabato City.
Ngunit pagsapit ng mga biktima sa Brgy Tubon, Pigcawayan, Cotabato ay dinikitan sila ng isang SUV at pinaputukan gamit ang M16 armalite rifles.
Sinasabing nahulog ang Innova sa gilid ng national highway at tumakbo ang isang biktima patungo sa palayan ngunit sinundan ito ng mga salarin at saka pinagbabaril.
Patay on the spot ang apat katao nang magtamo ng maraming tama ng bala sa iba’t ibang parte ng kanilang katawan.
Sa ngayon nagpapatuloy ang imbestigasyon ng Pigcawayan PNP sa pamamaril sa mga biktima at pagkakakilanlan nito.
