Hindi pumayag ang pamahalaan sa mga apela ng ilan na gawing 50 porsyento ang capacity na papayayagang makapasok sa Quiapo Church para i-accomodate lahat ng deboto na makikiisa sa pista ng Itim na Nazareno.
Sinabi ni Presidential spokesman Harry Roque na kailangang sundin ng mga deboto, gayundin ng simbahan ang parehong patakaran na umiiral.
Hanggang 30 porsyento lang aniya ang maaaring religous services at hindi raw ito magbabago.
Sa pinakaunang pagkakataon sa loob ng mahabang panahon ay wala muna ang taunang prosesyon sa imahe ng Itim na Nazareno o kilala rin bilang Traslacion bilang pag-iwas sa posibilidad na sumirit pa ang kaso ng coronavirus disease dahil milyon-milyong tao ang inaasahan na dadalo rito.
Dahil dito ay magsasagawa na lamang ng misa ang Quiapo Church sa Enero 9 bilang paggunita sa Itim na Nazareno.
15 mass ang gagawin upang maiwasan ang pagbuhos ng mga deboto na inaasahang magtitipon-tipon sa Quiapo Church.
