Kinumpirma ng Department of Health (DOH) na pumanaw na ang pasyente na tinamaan ng COVID-19 Delta variant mula sa Antique.
Dahil dito, umakyat na sa tatlo ang nasawi dulot ng mas nakakahawang deadly virus na kinabibilangan ng 63-anyos na returning overseas Filipino mula sa MV Athens na namatay noong Mayo 19; 78-anyos na mula sa Baybay Antique na namatay noong Mayo 30 ; at ang 58-anyos na taga Pandacan, Manila na namatay noong Hunyo 28.
Sinabi ni Vergeire na isinasagawa ang contact tracing at mga karagdagang pag-aaral upang matukoy kung paano sila nahawaan ng variant ng Delta sa kabila ng walang kasaysayan ng paglalakbay.
Tiniyak din ng opisyal ng kalusugan sa publiko na sinabi ng mga eksperto na ito ay “imposible” na ang coronavirus ay lokal na nagbago sa Delta variant.
Sa ngayon ay natukoy ng Pilipinas ang 35 mga kaso ng nakahahawang variant ng Delta.
Samantala, nilinaw naman ni Vergerie na ang Delta variant case na nakita sa Taguig ay hindi isang lokal na impeksyon.
Nauna nang inihayag ng pamahalaang lokal na isang kaso ng Delta variant ang napansin sa lungsod.
Iniulat rin ng kagawaran na makipagpulong sila sa mga dalubhasa mamaya upang “talakayin ang katayuan ng NCR Plus.”
Pag-uusapan din nila kung babaguhin ang desisyon na pagpapalabas ng mga bata ngayong nakapasok na sa bansa ang Delta variant.
Nagbigay linaw din ang DOH sa publiko kung bakit natagalan ang paglabas ng resulta na nakapasok na sa bansa ang Delta variant.
Aniya, may sinusunod na proseso ang mga health expert may kaugnayan sa genome sequencing.
