NAGA CITY- Patay ang dalawang drug personality matapos mauwi sa engkwentro ang drug buy bust operation ng mga otoridad sa Lucban, Quezon.
Kinilala ni Director Police Colonel Audie L Madrideo ang mga namatay na sina Rex Gomez Carubio alias Rex, 39-anyos ng Espeleta St, Poblacion, Muntilupa City at Philip Monillas Natividad, 44-anyos.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na nagsagawa ng anti-illegal drug operation ang mga otoridad sa Diversion road, Barangay Kulapi,Lucban, Quezon.
Ngunit matapos makabili ang poseur buyer ng isang plastic sachet ng pinaniniwalaang shabu, napansin ni Carubio ang presensya ng mga otoridad kung kaya agad nitong binunot ang kanyang dalang baril kung saan wala namang tinamaan kung kaya doon na gumanti ang mga otoridad.
Ngunit agad namang minaneho ng kasamahan ni Natividad ang Mazda 3 vehicle ngunit hinabol ito ng operating team.
Muling nagkaroon ng palitan ng putok ng baril sa pagitan ng mga suspek at mga otoridad.
Dahil sa insidente, binawina ng buhay ang nasabing mga suspek.
Samantala, narekober sa lugar ang plastic bag na mayroong laman ng pinaniniwalaang shabu at ginamit na buy bust money pati narin ang mga basyo ng bala sa nasabing lugar na pinangyarihan.
