-- Advertisements --
Nasa 10 katao na ang patay dahil sa pananalasa ng bagyong Rolly sa Southern Luzon.
Ayon sa Office of the Civil Defense Region 5, siyam na katao ang nasawi sa Albay at isa sa Catanduanes.
Tatlong katao naman ang naiulat na nawawala sa nasabing rehiyon.
Posibleng madagdagan pa ang nasabing bilang dahil hindi pa nagsusumite ang mga nasa probinsiy ang Masbate, Sorsogon, Camarines Sur at Camarines Norte.
Nasa halos 400,000 katao na ang inilikas kung saan 345,044 ang nananatili sa mga evacuation centers.
Umabot naman sa 1,013 na pasahero ang na-stranded sa mga pantalan sa Bicol region.
