1 patay sa sagupaan ng Taliban at Iranian border guard

Napatay ng mga Iranian border guard ang isang Taliban militant matapos na sila ay nagkasagupa sa border ng dalawang bansa.

Nangyari ang sagupaan ng dalawang grupo sa pagitan ng Nimroz province sa Afghanistan at Hirmand sa Iran.

Nagsisihan ang dalawang panig sa nangyaring insidente.

Noong nakaraang buwan din ay iniulat ng Iran na napatay ng mga Taliban ang isa nilang sundalo na nagbabantay sa border.

Sinasabing binaril ng mga Iranian border guard ang isang Taliban militant ng sinubukang magwagayway ng watawat nila sa hindi nila teritoryo.