Nagpositibo sa COVID-19 si Zamboanga City Rep. Manuel Jose “Mannix” Dalipe.
Kinumpirma ito mismo ni Dalipe nitong araw sa kanyang Facebook page.
Ayon sa kongresista, ang kanyang tatay, na si dating Zamboanga City Mayor Manny Dalipe, ay nagpositibo rin sa COVID-19 pati na rin ang kanyang asawa at dalawang babeng anak.
Bukod kay Dalipe, 10 kongresista na ang nagpositibo sa COVID-19.
Kabilang rito sina Gabriela Women’s Party Representative Arlene Brosas, 1-PACMAN party-list Representative Eric Pineda, Cavite Representative Luis “Jon-Jon” Ferrer IV, Deputy Speaker Mujiv Hataman, at Surigao Del Sur Representative Johnny Pimentel.
Ang iba pang mga kongresistang tinamaan ng sakit ay sina Bulacan Representative Henry Villarica, Sulu Representative Samier Tan, Northern Samar Representative Paul Daza, Senior Citizens party-list Representatives Francisco Datol Jr., at Sorsogon Representative Ditas Ramos.
Pumanaw sina Datol at Ramos matapos na magpositibo sa sakit.
