Pinuri ng World Health Organization ang maagap na responde ng mga bansa sa Western Pacific kaya napanatili ng rehiyon ang pinakamababang pwesto sa may mataas na bilang ng COVID-19 cases sa buong mundo.
Ayon sa WHO, higit 630,000 ang kaso ng coronavirus sa Western Pacific, at higit 13,000 na ang binawian ng buhay. Sakop ng rehiyon ang Pilipinas.
Ilan sa nakita ng WHO na dahilan sa kontroladong kaso ng COVID-19 sa rehiyon ang maagang paghahanda ng healthcare system, tuloy-tuloy at pinalakas na surveillance sa transmission, at matibay na pamahalaan, na aktibong tinugunan ng komunidad.
Ganito rin ang obserbasyon ng mga opisyal para sa Pilipinas, na kahit pitong buwan nang nagpapatupad ng lockdown ay tila nagkukumahog sa pag-kontrol ng COVID-19 transmission.
“We know that you actually need more than just one intervention, so there must be a number of control measures which are all implemented together, or at the same time in conjunction with each other,” ani Dr. Babatunde Olowokure, chief ng Health Emergency Information and Risk Assessment Department.
“Clearly, the Philippines has a number of particular challenges as well, but I think where you have moving controls along with other implementations to supress the virus, then we are much more likely to have better control.”
Ayon sa WHO, malaki rin ang papel ng pagsunod ng mga tao sa mga ipinatutupad na patakaran para hindi lumala ang pagkalat ng virus.
Kinikilala naman daw ng organisasyon ang aktibong responde ng Philippine government sa pamamagitan ng iba’t-ibang stratehiya, pero hindi umano sapat na maghintay lang ang isang bansa sa paglabas ng bakuna.
“The Philippines has done a lot of those things, but there’s still room for improvement on the harmonized speedy contact tracing and management of close contacts and early isolation of positives,” ani WHO country representative to the Philippines Dr. Rabindra Abeyasinghe.
“Delays in doing this have resulted in most secondary cases happening, and more secondary transmission occurring.”
Una na ring sinabi ng Health department ng Pilipinas na kailangan pang paigting ang testing at contact tracing ng estado sa COVID-19.
Ayon sa WHO, 15 estado pa sa Western Pacific ang walang naitatalang kaso ng coronavirus. Matatag naman daw ang komunidad ng rehiyon, pero dapat manatili rin itong vigilante habang wala pang bakuna ng sakit.
Inirekomenda rin ng organisasyon ang patuloy na pagpapalakas ng kapasidad sa health system at contact tracing, at proteksyon sa mga itinuturing na vulnerable.
“What is important is the government to anticipate to deal with the multiple surge and to find a sustainable way of making interventions, and on one hand to control the infection, but on the other hand make sure that economy and people’s live to be a back.”
