Pinalagan ng common legal representative ng drug war victims na si Atty. Gilbert Andres ang argumento ng depensa na hindi kinunsinte ng Duterte administration ang rotten police officers.
“This is not true Your Honors,” saad ni Atty. Andres
Sa closing statement ng Victims’ Counsel, ikinatuwiran ni Atty. Andres na hindi sinampahan ng kasong criminal ang police officers na responsable sa pagkamatay ng 3,967 drug personalities na pinaslang sa drug operations mula Hulyo 1, 2016 hanggang Nobiyembre 27, 2017.
“In fact, the undisputed fact in this case is that the Philippines only investigated at most 302 cases,” paliwanag ni Atty. Andres.
“And I refer to the February 26, 2023 decision of this chamber on the authorization pursuant to Article 18, Paragraph 2 of the statute to resume the investigation,” dagdag pa ng Victims’ lawyer.
Nanindigan ang Victims’ counsel na mayroong sapat na ebidensiya para kumpirmahin ang mode of liability sa ilalim ng Article 25 3a gaya ng apela ng prosekusyon.
“Also, we want to emphasize, Your Honors, that there were indeed children murdered systematically under the charges that are being held against Mr. Duterte, Your Honor. And they are not mere collateral damage,” giit ni Atty. Andres.
Sa huli, iginiit ni Atty. Andres na mayroong iprinisentang sapat na ebidensiya ang prosekusyon para makapaglatag ng substantial grounds para paniwalaang nagawa ng dating pangulo ang bawat krimeng inaakusa laban sa kaniya at dapat na kumpirmahin at mausig.
“In the end your honors, the victims they were also created in the image of God and they also believe that the God of the universe is the God of justice,” binigyang diin ni Atty. Andres sa kaniyang closing statement.
