Inaasahang lalakas pa at magiging “very strong” ang El Niño sa mga darating na buwan, ayon sa babala ng World Meteorological Organization (WMO) ng United Nations.
Tiyak na magpapatuloy ang phenomenon na ito hanggang Pebrero.
Nagbabala ang WMO na magdudulot ito ng matinding pagbabago sa ulan at temperatura, pati na rin ng baha, tagtuyot, at matinding init.
Ayon kay UN Chief António Guterres, lalo pang pinatitindi ng El Niño ang init ng daigdig na kasalukuyan nang nagdurusa sa epekto ng climate change. Inihayag naman ni WMO Chief Celeste Saulo na maaari itong magdulot ng malaking hambalos sa pandaigdigang ekonomiya, agrikultura, at kalusugan.
Naitala na rin ang hindi karaniwang pag-init ng karagatan sa Pasipiko na umabot sa mahigit dalawang antas ang taas kumpara sa normal na average.
Dahil dito, hinimok ng UN ang lahat ng mga bansa na maghanda na agad upang mabawasan ang pinsala sa mga komunidad.
