UK, naitala ang death toll peak sa COVID-19 na halos 1-K sa isang araw

Lumobo na sa 8,958 ang kabuuang death toll sa Unitek Kingdom (UK) dahil pa rin sa Coronavirus disease 2019 (COVID-19).

Ayon kay UK health secretary Matt Hancock, naitala ngayong araw ang pinakamaraming namatay sa loob lamang ng isang araw.

Nasa 980 na biktima ng virus ang namatay sa ospital dakong alas-5:00 ng hapon oras sa UK.

Ayon naman sa UK government, ang bilang ng kumpirmardong nag-positibo sa virus ngayon ay pumalo na sa 73,758 habang nasa 256,605 ang sumailalim na sa covid test.

Sa Italya, nasa 18,849 katao na ang namatay na nag-positibo sa naturang virus at mayroong death toll peak na 969 sa isang araw.

Ang pinakamasaklap namang fatality sa bansang Spain sa isang araw ay 950. (The Independent)