Temperatura sa Metro Manila at iba pang lugar, nakikitaan ng pagbaba

Bumaba nitong mga nakalipas na araw ang temperatura sa Metro Manila ngayong pag-iral ng Amihan season.

Batay sa monitoring sa Science Garden, Quezon City, bumaba sa 20.2°C ang temperature nitong weekend.

Maliban sa National Capital Region, malamig na panahon din ang naranasan sa Baguio City na nasa 12.8°C at 14.4°C sa La Trinidad, Benguet.

Habang sa Basco, Batanes na nasa extreme Northern Luzon na unang tinatamaan ng northeast monsoon ay nakapag-record naman ng 15.8°C

Tinatayang magpapatuloy ang pag-iral ng Amihan hanggang sa mga susunod na linggo.

Ang malamig na hangin ay nanggagaling sa Siberia at China.