Taiwan nagsagawa ng military drill bilang paghahanda sa anumang paglusob ng China

Mas pinaigting pa ng Taiwan ang ginagawa nilang military drill sa timog bahagi ng kanilang karagatan.

Ayon kay defense Ministry spokesperson Sun Li-fang na layon ng kanilang military drill ay ang patuloy na banta mula sa China.

Lahat aniya ng kanilang isinagawa nitong Lunes ay artillery combat na siyang nagagamit sa tunay na labanan.

Ang Pingtung ay lugar na malapit sa Taiwan Strait na lugar na rin na inaangkin ng China.

Sa mga susunod na linggo ay isasagawa ng Taiwan ang pinakamahalagang military drill na Han Kuang na dito masusubok ang ipapagana nilang depensa sa anumang paglusob.

Sa mga susunod aniya na drill ay isasama na nila ang mga fighter jets at ilang mga sasakyang pandigma ng Taiwan.