Pinuri ni Senate President Juan Miguel “Migz” Zubiri ang tagumpay ng working trip ni Pangulong Ferdinand “Bongbong” Marcos Jr. sa Estados Unidos.
Dumalo si Pangulong Marcos sa United Nations General Assembly, nakipagpulong kay US President Joseph Biden Jr, at maraming iba pang pakikipag-ugnayan sa sektor ng negosyo at komunidad ng mga Pilipino.
Aniya, ito ang uri ng face-to-face diplomacy na nagbubunga ng napakalaking dibidendo para sa ating bansa, mula sa mga pamumuhunan sa paglikha ng trabaho hanggang sa mga kasunduan na nagtataguyod ng kabutihang panlipunan.
Idinagdag pa nito na habang umuusbong ang mundo mula sa pandemya, mayroong matinding kompetisyon para sa mga produkto, ang pangangailangang palakasin ang kalakalan at palawakin ang mga merkado.
Swerte umano ang bansa dahil meron tayong magaling na tindero sa katauhan ng Presidente.
Nauna nang sinabi ni Zubiri na na-hit ni Pangulong Marcos ang “home run” sa biyahe nito sa Amerika.
