Pinuri ni House Speaker Martin Romualdez si Pangulong Ferdinand Marcos Jr. sa malinaw na paglalahad hinggil sa posisyon ng Pilipinas sa iba’t ibang isyung kinakaharap ng ASEAN Region.
Kabilang si Romualdez sa Philippine delegation sa 40th and 41st Association of Southeast Asian Nations (ASEAN) Summit and Related Summits.
Ayon kay Speaker Romualdez, malinaw na naiparating ng Pangulo ang panawagan para sa regional unity sa pagitan ng ASEAN Member States upang matugunan ang hamon na kinahaharap ng rehiyon.
Pinapurihan din ng House leader ang mabungang bilateral meetings ng presidente sa mga bansang Vietnam at Cambodia na inaasahang magbubukas ng oportunidad sa pag-unlad sa pagitan ng naturang mga bansa.
“I am confident that the enhancement of good relations and explorations of trade expansion with other countries in the ASEAN region brought about by these bilateral engagements would bring more opportunities for mutually-beneficial growth and development,” pahayag ni Romualdez.
