Inihayag ng DFA na hindi inaasahang maaayos ang hindi pa nababayarang sahod ng mahigit 10,000 displaced overseas Filipino workers (OFWs) sa Saudi Arabia ngayong taon.
Ito ang sinabi ni DFA Undersecretary for migrant workers affairs Eduardo Jose de Vega sa joint congressional oversight committee hearing on migrant workers.
Gayunpaman, hindi aniya “imposible” na gawin ang lahat at makakuha ng solusyon para sa mga OFWS.
Sinabi ng opisyal na ito ang impormasyon na kanilang natanggap noong Abril o Mayo, nang ang isang vice minister ng Saudi ay nangako sa DFA na mamadaliinnila ang pag-aayos ng mga kumpanya ng konstruksiyon na may utang sa likod na sahod pagkatapos ideklara ang pagkabankrupt noong 2015 at 2016.
Sinabi ni De Vega na ang mga employer ang magse-settle ng back wages at hindi ang Saudi government.
Sa kanilang panig, nanindigan si Department of Migrant Workers acting Secretary Bernard Olalia na malapit nang mabayaran ang mga OFW sa kanilang back wages.
Ipinagtanggol niya ang kanyang superior na si DMW Sec. Susan Ople sa paggawa ng pangako noong Hulyo sa pagsasabing ang pag-aayos ng mga sahod ay kanilang aayusin sa lalong madaling panahon.
