LAOAG CITY – Nahuli ng mga otoridad ang limang katao dahil sa paglalaro ng tong-its sa Barangay Sto. Tomas sa bayan ng Pinili, Ilocos Nore.
Nakilala ang mga ito na sina Perlita Celon, 54; Lorna Ramos, 53; Lolita Manla, 63, residente sa Barangay Sto. Tomas; Hamara Sapaden, Milagrosa Pacarien; Anna Mae Brown; John Mark Anthony.
Ayon kay Police Major Jephre Taccad, chief of police ng PNP-Pinili, sina Brown at Anthony ay taga probinsya ng Cagayan na na-istranded lamang sa naturang barangay.
Kinumpirma ni Taccad na si Sapaden, buntis at asawa ng SK Chairman; Pacarien; Ramos at Manla ay SAP benificiaries habang si Celon ay miyembro naman ng 4Ps.
Nabatid na sa loob ng bahay ni Robin Macaburas naglalaro ang mga ito ng mahuli ng mga otoridad.
Dagdag pa ni Taccad na base sa nakalap nilang impormasyon ay palagi umanong nagsusugal ang mga suspek at mayroong nagsisilbi silang look-out.
