Inihayag ngayon ni Russian President Vladimir Putin na ang mga opisyal ng UN ay bibigyan ng pahintulot na bisitahin at suriin ang Zaporizhzhia nuclear complex.
Ginawa ng Kremlin ang anunsyo pagkatapos mag-usap sa phone sina Putin at French President Emmanuel Macron.
Nangyari ito habang nagpatuloy ang pag-aangkin ng pakikipaglaban malapit sa planta, na may apat na sibilyan na iniulat na nasugatan sa pag-atake ng Russia.
Samantaka, nangako naman ang US na magpadala ng higit pang mga armas at bala bilang tulong sa digmaan ng Ukraine.
Sa isang read-out kasunod ng panawagan sa pagitan ng mga pinuno ng French at Russi, sinabi ng Kremlin na pumayag si Mr Putin na bigyan ang mga imbestigador ng UN ng “kinakailangang tulong” upang ma-access ang Zaporizhzhia nuclear site.
Ang planta ay nasa ilalim ng Russian occupation mula noong unang bahagi ng Marso ngunit ang mga Ukrainian technician ay nagpapatakbo pa rin nito sa ilalim ng utos ng Russia.
Ang direktor-general naman ng nuclear watchdog ng UN, ang International Atomic Energy Agency (IAEA) na si Rafael Grossi, ay tinanggap ang pahayag ni Mr Putin at sinabing handa siyang manguna sa pagbisita sa planta mismo.
Malugod naman na tinanggap ni Ukrainian President Volodymyr Zelensky ang prospect ng isang inspeksyon, ngunit sinabing ang mga partikular na detalye ay ginagawa pa rin.
