Pope Francis, nagpaabot nang pakikiramay sa sambayanang Pilipino sa pagpanaw ni FVR

Nagpaabot ng kanyang taos-pusong pakikiramay si Pope Francis sa sambayanang Pilipino sa pagkamatay ni dating Pangulong Fidel V. Ramos.

Ang mensahe ng Santo Papa ay ipinasa ng tanggapan ng Apostolic Nuncio sa Catholic Bishops’ Conference of the Philippines ngayong araw, Agosto 9.

Ang liham ay nilagdaan ni Msgr. Alessio Deriu, kalihim ng Apostolic Nunciature.

Si Ramos ay namatay noong Hulyo 31 at ngayong araw ay inilibing ito sa Libingan ng mga Bayani sa Taguig City.