Pope Francis labis na nalungkot sa mga sibilyang nadadamay sa labanan sa pagitan ng Israel at Hamas

Nanawagan si Pope Francis sa mga Hamas na kung maari ay palayain na ang lahat ng kanilang bihag.

Isinagawa ng Santo Papa ang panagawang sa kaniyang misa sa St. Peter’s Square nitong Miyerkules.

Sinabi pa nito na labis siyang nalulungkot sa nangyayaring labanan sa Israel at Palestine kung saan marami na ang nasawi.

Nararapat lamang aniya na ipagtanggol ng mga naapi ang kanilang teritoryo subalit labis na nakakalungkot na pati mga sibilyan na nakatira sa Gaza ay nadadamay.

Magugunitang nasa mahigit 1,200 katao na ang nasawi sa panig ng Israel at Mahigit 1,000 naman sa mga Hamas.