Pinay Soul Siren Nina labis na nasiyahan matapos makasama sa concert ng Michael Learns to Rock

Labis ang kasiyahan ng singer na si Nina matapos na mapili na magtanghal kasama ang 90’s iconic Danish rock band na Michael Learns to Rock (MLTR).

Sinabi nito na isang malaking karangalan na mapili para magtanghal ang sikat na banda sa buong mundo.

Sa kaniyang social media ay ibinahagi nito ang paboritong kanta niya sa grupo na “Paint My Love”.

Gaganapin ang concert ng grupo sa darating na Oktubre 26 sa Araneta Coliseum at pagdating ng Oktubre 28 ay sa Waterfront Hotel Ballroom sa Cebu bago sa SMX Convention Center sa Davao City sa Oktubre 30.

Huling nag-concert ang grupo noong 2018 sa Davao, Cebu at Sta. Rosa, Laguna.

Ilan sa mga kantang pinasikat ng grupo ay “25 Minutes”, “That’s Why You Go Away” at “Out of the Blue”.