Phil. Women’s football team pasok na sa quarterfinals ng 2022 AFC Women’s Asian Cup

Pasok na sa quarterfinals ng 2022 AFC Womens’ Asian Cup ang pambato ng bansa matapos ilampaso ang Indonesia 6-0 sa laban na ginanap sa Pune, India.

Dahil sa panalo ay nasa pangalawang puwesto na sila sa Group B na mayroong dalawang panalo at isang talo.

Nangunguna pa rin sa Group B ang Australia na mayroong tatlog panalo at wala pang talo.

Mula sa simula ng laban ay dominado ng Pilipinas ang laro kung saan hindi na nila pinaporma ang mga manlalaro ng Indonesia.

Target ng Pilipinas na makakuha ng isa sa limang Asian slots ng 2023 FIFA Women’s World Cup.