Nagkaisa ang PCSO, MMDA, at LRTA sa paglulunsad ng Aid Caravan patungong Cebu at Masbate bilang tugon sa mga nasalanta ng kalamidad.
Layunin ng caravan na maghatid ng relief goods, medical supplies, at iba pang pangunahing tulong sa mga apektadong komunidad. Ipinapakita nito ang lakas ng bayanihan at pagtutulungan ng mga ahensya ng pamahalaan para sa mabilis at epektibong aksyon.
Hinihikayat ang publiko na makiisa sa misyon sa pamamagitan ng pag-aambag. Maaaring mag-donate sa alinmang LRTA station, kung saan ito’y kokolektahin at ipapadala sa mga nangangailangan.
Panawagan ng PCSO General Manager Mel Robles, MMDA Chair Atty. Romando Artes, at LRTA Administrator Atty. Hernando Cabrera na panatilihin ang diwa ng pagkakaisa at malasakit sa panahon ng sakuna.
