Parokya ni Edgar singer Chito Miranda labis ang pagdadalamhati sa pagpanaw ng ama

Malungkot na ibinahagi ni Parokya Ni Edgar vocalist Chito Miranda ang pagpanaw ng kaniyang ama na si Alfonso Miranda Sr.

Sa kaniyang social media ay nagpost ito ng larawan ng ama.

Nakiusap ito na nais niyang maging simple ang burol at pawang mga malalapit na kaanak lamang ang maaring makadalaw sa burol.

Humiling na lamang ito sa mga fans ng pagdarasal.

Hindi naman na nagbigay pa ng detalye ang singer sa sanhi ng pagkasawi ng ama nito nitong Agosto 9.

Bumuhos naman ng pakikiramay at pagdarasal mula sa kasamahang singer at ilang mga banda ng mabalitaan ang pagpanaw ng ama ng lead singer ng PnE.