Tinanghal bilang Miss Universe Philippines 2022 si Celeste Cortesi ng lungsod ng Pasay.
Nangibabaw Pasay beauty queen sa 30 ibang kandidata sa coronation night na ginanap sa Mall of Asia Arena.
Personal na inilipat ni 2021 Miss Universe Philippines Beatrice Luigi Gomez ang kaniyang korona kay Cortesi.
Kinoronahan naman bilang first runner-up si Annabelle McDonnell ng Misamis Oriental at Katrina Llegado ng Taguig bilang second runner-up.
Nakuha naman ni Michelle Dee ng Makati City ang Miss Universe Philippines Tourism habang si Pauline Amelinckx ng Bohol bilang Miss Universe Charity.
Itinuturing na isang star-studded ang nasabing event dahil sa presensiya ng apat na Miss Universe titleholders.
Naging host kasi sina 2015 Miss Universe Pia Wurtzbach, 2016 Miss Universe Iris Mittenaere, 2017 Miss Universe Demi Tebow habang naging bahagi ng panel of judges si 2021 Harnaaz Sandhu.
