Kinoronahan bilang Miss Universe Philippines 2021 ang pambato ng Cebu City na si Beatrice Luigi Gomez sa pageant na ginanap sa Bohol.
Maliban pa dito ay nakakuha pa ng karagdagang apat na award si Gomez gaya ng Best in Swimsuit, Best in Evening Gown, Miss Luxxe Immunuplus Game changer at Miss Creamsilk.
Naging first runner-up naman si Maureen Wroblewitz ng Pangasinan habang 2nd runner-up si Steffi Rose Aberasturi ng Cebu Province.
Tinanghal naman bilang Miss Universe Philippines Tourism si Katrina Dimaranan ng Taguig habang Miss Universe Philippines Charity si Victoria Velasquez Vincent ng Cavite .
Nakakuha naman na special award si Kirsten Delaven ng Masbate bilang Miss RFox Philippine 2021, Miss Luxxe White FAce of the Universe o Miss Photogenic at Miss Universe Philippines Lazada.
Si Wroblewitz naman ay nakakuha rin ng Miss Air Asia Philippines at Miss Hennan Resort habang si Dimaranan ay pinangalanang bilang Miss Save Point Plus at Face of Belo Sun Expert.
Best in National Costume award ang nakuha ni Maria Corazon Abalos ng Mandaluyong at Miss Bragais at Miss Organic Barley si Leren Mae Bautista ng Laguna.
