STAR CEBU- Napapaluha umano ang isang Pakistani nang masaksihan ang nangyaring pagbagsak ng A320 Airbus plane malapit lang sa kanilang bahay mismo sa Karachi, Pakistan.
Sinabi pa ni Sanwal Majeed na nasa loob lang sila sa mosque nang bigla na lang silang nakarinig ng malakas na pagsabog.
Dali-dali naman nagsisilabasan ang mga ito at bumungad nalang sa kanila ang bumagsak na eroplano.
Ayon pa sa 21 anyos na lalaki na aabot sa 15-20 na mga bahay ang nasunog sa nangyaring insidente at umabot pa sa 3-4 hours ang pag-apula ng apoy.
Dagdag pa nito na isang babae sa kanilang lugar ang namatay habang iba namang nasugatan ay dinala sa pagamutan.
Nagpapasalamat naman ito kay Allah na kahit papaano ay ligtas naman ito at ang kanyang pamilya at hindi natamaan ang kanilang bahay sa bumagsak na plane.
Kung maalala, umabot sa 97 ang nasawi sa nasabing plane crash at dalawa naman ang nakaligtas.
