Kayang matapos ang impeachment trial ni Vice President Sara Duterte sa loob lamang ng 19 na araw—hanggang June 30.
Ito ay kung magco-convene na ang senado bilang impeachment court sa June 11.
Inilatag ni Senate Majority Leader Francis Tolentino ang kanyang panukalang trial calendar na maaaring magamit sa paglilitis kay VP Sara.
June 11 – Pag-convene bilang impeachment court
June 22 – Reply ng prrosecutors
June 23 – Umaga: Submission of Trial Brief
Afternoon: Opening Statements
June24 to 25 – Presentasyon ng ebidensya – Prosecution
June 25 to 26 – Presentasyon ng ebidensya – Defense
June 27 – Rebuttal
June 28 – Oral Arguments
June 29 Closed-door meeting
June 30 Render of judgment
Paglilinaw naman ni Tolentino, ang panukalang trial calendar na ito ay hindi pa naipipresenta kay Senate President Francis “Chiz” Escudero.
Sinabi rin ni Tolentino na maaaring paikliin ng prosekusyon ang pitong articles of impeachment laban kay VP Sara tulad ng ginawa sa impeachment kay dating Chief Justice Renato Corona, kung saan mula sa walong articles ay pinili lamang ang tatlong aticles.
Naniniwala naman ang senador na maaaring masira ang integridad ng Senado kung hindi ito magco-convene bilang impeachment court.
Una nang sinabi ni Escudero na maaaring sa June 11 na nila mapagpasyahan ang impeachment case laban kay VP Sara.
Ito ay kung magco-convene sila bilang impeachment court at itatawid sa 20th Congress ang paglilitis laban kay Duterte.
