CEBU CITY – Aabot sa P31 halaga ng shabu ang nasabat ng pulusya sa Valencia, Carcar City, Cebu.
Naaresto sa joint drug buy-bust operation ng Talisay City Police, Provincial Intelligence Unit (PIU), Carcar City Police, Regional Drug Enforcement Unit (RDEU), at Philippine Drug Enforcement Agency (PDEA)-7 ang suspect na si Roblin Repdos, 42-anyos, isang Grab Taxi driver.
Nakuha mula kay Repdos ang 17 packs ng shabu n amay bigat na 4.6 kilos at tatlong green Chinese tea bags na naglalaman ng naturang iligal na droga.
Sa panayam ng Bombo Radyo Cebu kay PMaj. Gerard Pelare, hepe ng Talisay PNP, sinabi nitong dati nang nakulong si Repdos noong 2016 dahil din sa iligal na droga.
Ayon kay Pelare, ibinibenta raw ni Repdos ang mga supply nito ng shabu sa Cebu City pati na rin sa Southern Cebu.
Sa ngayon, patuloy pang inaalaman ng Talisay PNP kung saan kinukuha ni Repdos ang mga ibinibenta nitong iligal na droga.
