Aabot sa P23 billion ang na-realign na pondo sa ilalim ng P4.5-trillion proposed 2021 national budget para sa rehabilitation ng mga lugar na apektado ng mga nagdaang bagyo na tumama sa bansa.

Sinabi ito ni House Committee on Appropriations chairman Eric Yap matapos na aprubahan ng bicameral conference committee ang kanilang report sa panukalang pondo para sa susunod na taon.

Ayon kay Yap, ang P23-billion allocation ay nanggaling mula sa pondo na nakalaan sana para sa mga proyekto at programa na maituturing na “unimplementable” at hindi halos kailangan naman.

Ang mga unimplementable projects na ito ay ang mga hindi na-validate ng Department of Public Works and Highways.

Nauna nang sinabi ni Speaker Lord Allan Velasco na titiyakin ng House contingent sa 2021 budget bicam na magkakaroon ng sapat na pondo para sa rehabilitation at recovery ng mga lugar na apektado ng mga nagdaang bagyo.