Naharap sa batikos si Israeli Prime Minister Benjamin Netanyahu matapos kuwestiyunin ng kanyang kampo ang resulta ng halalan sa Israel noong Oktubre 27, 2026.
Inakusahan ng kanyang mga kaalyado ang mga partidong Arab na Joint List at Ra’am ng umano’y pandaraya, panunuhol, at pagtanggap ng ilegal na pondong mula sa ibang bansa. Gayunman, wala pang inilalabas na sapat na ebidensiya upang patunayan ang mga paratang.
Ayon sa Central Elections Committee, walang batayan ang alegasyon ng malawakang pandaraya at maayos na naisagawa ang halalan.
Samantala, iginiit ng oposisyon na layunin lamang ng mga akusasyon na pahinain ang kredibilidad ng mga partidong Arab at hadlangan ang posibleng pagbuo ng bagong koalisyon laban kay Netanyahu.
Dahil walang nakakuha ng kinakailangang mayorya sa parliamentary, nananatiling hindi tiyak ang magiging komposisyon ng susunod na pamahalaan ng Israel.
