-- Advertisements --
Hindi muna iniisip ni National Capital Region Police Office (NCRPO) chief Major General Guillermo Eleazar ang mga usapin na siya ang napipiling papalit kay PNP Chief Oscar Albayalde na nakatakdang magretiro ngayong taon.
Sinabi ni Eleazar na hindi na dapat pag-usapan ang nasabing usapin dahil sa marami pang mga trabaho na dapat unahin ang PNP.
Tanging ang pangulo ng bansa ang makakapagdesisyon kung sino ang ipapalit kay Albayalde.
Magugunitang isa si Eleazar sa lumutang ang pangalan na papalit kay Albayalde.
Bukod kay Eleazar ay kabilang sina Lt. General Archie Francisco Gamboa ang deputy for operations at Lt. General Camilo Cascola ang directional staff chief ang mga napipintong papalit kay Albayalde.
