NBA inilabas na ang mga schedule ng mga laro sa 22-23 season

Makakaharap ng NBA defending champion Golden State Warriors ang Los Angeles Lakers sa 2022-2023 NBA season opening games sa darating na Oktubre 18.

Bukod sa dalawa ay makakaharap naman ng Boston Celtics ang Philadelphia 76ers sa opening games.

Sa schedule na inilabas ng NBA, bawat koponan ay mayroong 82 regular-season games hanggang Abril 9 kasama ang play-in tournaments sa pagsisimula ng Playoffs sa Abril 15.

Magsisimula ang NBA Finals pagdating ng Hunyo 1.

Mayroon ding limang laro sa Christmas Day sa 15 magkakasunod na taon kung saan makakaharap ng Sixers ang New York Knicks na susundan ng Lakers sa Dallas Mavericks.

Dadayuhin din ng Milwaukee Bucks ang Boston Celtics habang ang Memphis ay dadayo sa Warriors.