Ibinebenta sa auction ang napkin kung saan napirmahan ang kontrata sa Barcelona ni football star Lionel Messi.
Ang nasabing napkin ay ibinebenta sa halagang $380,619 na pinirmahan noong Disyembre 2000.
Pinapirma ito ng dating Barca director Carles Rexach si Messi para matiyak na sa kanilang koponan na nila ito maglalaro.
Pirmado rin ito ni Joseph Minguella ang transfer advisor ng Spanish club at ang agent na si Horacio Gaggioli na siyang nagrekomena sa Argentine.
Matapos ang isang buwan ay tuluyang nakuha ng koponan si Messi at mula noon ay naging goalscorer na siya.
Sa edad na 16 ay bahagi na si Messi ng Barca at nakapagtala ng 672 goals sa 779 laro para sa Catalan club.
Sa edad na ngayon na 36 ay nagwagi si Messi ng 10 La Liga at apat na Champions League title sa Barcelona.
Magsisimula sa Marso ang bidding ng nasabing napkin sa British auction house na Bonhams.
