Tiniyak ng Department of Transportation (DOTr) na ang mga tsuper na sumama sa transport strike noong Hunyo 24 na hindi sila mahaharap sa anumang kaukulang mga parusa.
Ayon kay DOTr Secretary Jaime Bautista, , ang welga ay karapatan ng mga driver, ito ay kung paano aniya nila mailalabas ang kanilang mga pananaw at mga hinaing.
Kung matatandaan, nagsagawa ng welga ang transport group na Manibela para iprotesta ang modernization program ng mga pampublikong sasakyan ng gobyerno at ang umano’y kabiguan nito sa pagtugon sa mga alalahanin ng sektor.
Iginiit din ng grupo na may mga kagustuhan ang mga awtoridad sa pagbibigay ng mga ruta ng jeepney.
Sinabi ni Bautista na hiniling na niya sa Land Transportation Franchising and Regulatory Board (LTFRB) na magsumite ng ulat hinggil dito, na nagpapakitang ang mga prangkisa ay ibinigay sa mga rehistradong kooperatiba at korporasyon.
Iginiit din ng hepe ng transportasyon na ang mga lumang jeepney ay papayagang dumaan sa mga kalsada pagkatapos ng December 31 deadline para sa konsolidasyon basta’t ito ay roadworthy.
Binanggit niya na kabilang sa mga benepisyo ng pagsali sa isang kooperatiba o korporasyon ay ang pagkakaroon ng access sa tulong kapag sinimulan na ng gobyerno na i-phase out ang mga mas lumang jeepney units.
Dagdag ni Bautista, bagama’t bahagi ng modernization program ang pagpapalit ng mga lumang unit, magtatagal pa rin ang pagpapatupad dahil nangangailangan ito ng malaking halaga ng kapital.
Nauna nang sinabi ni LTFRB Chairman Teofilo Guadiz III sa na ang phaseout ay mangyayari sa loob ng dalawa o tatlong taon.
