Dumami pa ang mga lugar na inilagay sa Signal number 2 dahil sa bagyong Paolo.
Ito ay matapos na itinaas ng Philippine Atmospheric, Geophysical and Astronomical Services Administration (PAGASA) sa Severe Tropical Storm ang bagyong Paolo.
Base sa monitoring ng PAGASA, nakita ang sentro ng bagyo sa may 370 kilometers ng Silangan ng Baler, Aurora.
Mayroong taglay na lakas na hangin ito na 85 kilometers per hour at pagbugso ng hanggang 105 kilometers.
Nakataas ang signal number 2 sa mga lugar ng Peñablanca, Tuguegarao City, Enrile, Solana, Iguig, Tuao, Piat sa Cagayan; Maddela, Aglipay, Cabarroguis, Saguday, Diffun sa Quirino; Diadi, Bagabag, Quezon, Solano, Villaverde, Ambaguio, Bayombong, Kasibu sa Nueva Vizcaya; Conner sa Apayao; Abra, Kalinga, Mountain Province, Ifugao; Mankayan, Bakun, Buguias sa Benguet; Gregorio del Pilar, San Esteban, Banayoyo, Cervantes, Burgos, City of Candon, Santa Lucia, Santiago, Lidlidda, Nagbukel, Suyo, Sigay, Galimuyod, Quirino, San Emilio, Alilem, Sugpon, Tagudin, Santa Cruz, Santa Maria, Narvacan, Salcedo sa Ilocos Sur; at sa mga lugar ng Dilasag, Casiguran, Dinalungan sa Aurora.
Nakataas ang Signal number 1 sa mga natitirang bahagi ng mainland Cagayan kasama na ang Babuyan Islands; natitirang bahagi ng Nueva Vizcaya; Apayao; Benguet, Ilocos Norte, Ilocos Sur, La Union, Pangasinan; Palauig, Masinloc, Candelaria, Santa Cruz sa Zambales; Tarlac, Nueva Ecija; Doña Remedios Trinidad, San Miguel, San Ildefonso, Norzagaray, San Rafael sa Bulacan; natitirang bahagi ng Aurora; Magalang, Arayat, Candaba, Mabalacat City sa Pampanga; General Nakar, Infanta sa Quezon; Polillo Islands, Camarines Norte, Catanduanes; Siruma, Tinambac, Lagonoy, Garchitorena, Caramoan, Goa, San Jose, Presentacion sa Camarines Sur.
Inaasahan na magla-landfall ang bagyong Paolo sa Aurora sa ng umaga ng Biyernes, Oktubre 3 at tatawid ng Northern Luzon bago magtutungo sa West Philippine Sea.
