Mga fans at dating kasamahan ni ‘Myth Buster’ host Grant Imahara nalungkot sa pagpanaw nito

Nagpaabot ng kalungkutan at pakikiramay ang mga malalapit na kaibigan at fans sa pagpanaw ng kilalang ‘Myth Buster’ host na si Grant Imahara sa edad 49.

Bilang isang electrical engineer at roboticist ay naging bahagi na rin si Imahara sa iba’t-ibang mga pelikula sa Hollywood gaya ng “Matrix” , “Galaxy Quest” , “The Lost World: Jurassic Park” , “A.I. Artificial Intelligence ” at “Terminator 3”.

Ayon sa kaanak ni Imahara na dumanas ito ng brain aneurysm.

Labis ang kalungkutan ng mga nakasama nito sa show gaya nina Adam Savage at Kari Byron.