Mga E-bikes, pedicabs at tricycles bawal na sa mga national highways ng San Mateo, Rizal

Sisimulan na ng mga local government unit ng San Mateo sa lalawigan ng Rizal ang paghuli sa mga electric bicycle (e-bikes), tricycles at pedicabs na dumadaan sa national highways.

Sinabi ni San Mateo Municipal Administrator Henry Desiderio, na sa araw ng Lunes , Pebrero 5 ay hihigpitan nila ang pag-huli.

Ang nasabing mga sasakyan aniya ay siyang dahilan ng nagdudulot ng matinding trapiko sa nasabing lugar lalo na kapag rush hour.

Pagmumultahin ng P2,500 ang mga drivers ng e-bikes at tricycles sa unang dalawang violations at sa pangatlo ay ang revocation na ng kanilang prankisa.