Mas maraming toll plaza sa Luzon expressway ang magpapatupad ng cashless collection para sa ikalawang batch ng dalawang buwang dry run simula Setyembre 8.
Sinabi ng Toll Regulatory Board, isang attached agency ng Department of Transportation, na ang dry run ay isang “necessary procedure” upang matiyak ang kahandaan ng mga tollway concessionaires at operator ng mga expressway para sa maayos at mahusay na muling pagpapatupad ng programa.
Ang mga piling toll plaza lamang ang lalahok sa dry run na ipinatupad.
Kung matatandaan, ang dry run para sa cashless toll collection sa mga piling toll plaza ay nagsimula noong Setyembre 1 ng taong kasalukuyan.
Ang mga toll plaza na hindi kalahok ay magpapatuloy na mangolekta ng mga toll sa pamamagitan ng Radio Frequency Identification o RFID lane at cash lane.
Sa isang naunang pahayag, sinabi ni TRB spokesperson Julius Corpuz na maayos ang paunang pagpapatupad ng dry nasabing run.
Ang pagbabayad ng cash ng mga toll fee ay pinapayagan pa rin sa panahon ng dry run ngunit hinihikayat ang mga motorista na lumipat sa RFID para sa mas mabilis at mas maginhawang pagpasok at paglabas sa mga toll plaza.
