CENTRAL MINDANAO-Binawian ng buhay ang isang Laborer ng DOLE Stanfilco sa pamamaril sa probinsya ng Cotabato.
Nakilala ang biktima na si Zafiro Rulona Paral, 43 anyos,may asawa at residente sa Sitio Malaang Barangay Poblacion Makilala Cotabato.
Ayon kay Makilala Chief of Police, Major Arniel Melocotones na habang minamaneho ng biktima ang kanyang motorsiklo patungo sana sa kanyang trabaho ng itoy dikitan ng riding in tandem suspects at pinagbabaril gamit ang kalibre.45 na pistola.
Agad namang tumakas ang mga salarin at tinangay pa ang sling bag ng biktima na naglalaman ng cellphone,pera at ibang mga personal na kagamitan.
Patay on the spot ang biktima nang magtamo ng dalawang tama ng bala sa kanyang dibdib.
Sa ngayon ay nagpapatuloy ang imbestigasyon ng Makilala Municipal Police Station sa pamamaril patay sa biktima.
