Ibinunyag ng basketball governing body na FIBA na ang mataas na presyo ng tiket ay may mahalagang papel sa bilang ng inaasahang mga tao na dadalo sa 2023 FIBA World Cup games na ginanap sa Smart Araneta Coliseum at sa Mall of Asia Arena.
Matapos basagin ang FIBA attendance record sa opener ng Gilas Pilipinas laban sa Dominican Republic sa Philippine Arena sa Bocaue na may mahigit 38,000 fans na dumalo, unti-unting lumiit ang bilang ng mga tao sa iba’t ibang laro na pinangunahan ng Pilipinas.
Bilang reference, ang mga presyo ng tiket sa group phase sa Mall of Asia Arena ay umabot sa Php27,299 — para sa laban ng Team USA sa Greece. Ang iba pang mga laro ay mayroong Category 1 na presyo na nasa Php14,599 at Php11,099. Ang mga presyo ay tumaas lamang para final phase.
