CAUAYAN CITY -Nagsasagawa na ng pagsisiyasat ang mga kasapi ng San Marinao Police Station sa naganap na pagbaril-patay sa isang lalaki sa barangay Minanga.
Sa naging panayam ng Bombo Radyo Cauayan, inihayag ni Police Master Sgt. Jhonimar Baingan, tagasiyasat ng San Mariano Police Station na ang biktima ay si Edwin Dancel Alyas Bobot Dancel, magsasaka at residente ng Sevillana, Benito Soliven, Isabela
Ang biktima ay galing sa Barangay Alibadabad at papauwi na nang mayroong dalawang lalaking sakay ng motorsiklo ang bumaril sa kanya.
Mapalad naman umanong nakatakbo ang kasama ng biktima na may bitbit na manok na nakauwi sa Old San Mariano
Mayroon aniyang kamag-anak na kumilala sa biktima.
Nagtamo ng tama ng bala ng baril ang biktima na nagsanhi ng kanyang agarang kamatayan.
Nakita anya nila sa crime scene ang dalawang basyo ng bala ng baril
Humingi ng tulong ang San Mariano Police Station sa Scene of The Crime operatives o SOCO Ilagan na siyang magsasagawa ng pagsisiyasat.
