-- Advertisements --
Pinahiya ng Magnolia Hotshots ang Rain or Shine 96-86 para ma-sweep ang kanlang laro at makapasok sa semifinals ng 2021 PBA Philippine Cup.
Mula sa simula pa lamang ng laro ay kontrolado ng Magnolia ang laro.
Nagtala ng 24 points si Paul Lee habang mayroong 20 points at 19 rebounds si Calvin Abueva.
Nakapag-ambag naman ng 16 points, anim na assists at dalawang steals si Jio Jalalon habang 13 points at 11 rebounds si Ian Sangalang.
Hindi naman ikinaila ni Magnolia coach Chito Victolero na naging matindi ang depensa na ipinamalas ng kanilang nakalaban.
Susunod na makakalaban ng Magnolia ang sinumang manalo sa pagitan ng Meralco at NLEX.
