LAOAG CITY – Patay ang isang lalaki sa Sitio Inanama, Brgy. Nagbacalan sa bayan ng Paoay matapos umanong mahulog sa balon.
Ayon kay Benson Cachero, kapatid ng biktima na kinilalang si Benrose Cachero, tatawagin na sana ito para kumain ngunit hindi nila mahagilap ang biktima.
Sa kanilang paghahanap ay nakita si Benrose sa balon.
Kwento pa ni Benson na humihinga pa raw ang kaniyang kapatid kung kaya’t dali dali itong naghanap ng tulong.
Matagal na raw tumatambay ang kaniyang kapatid sa nasabing balon at posibleng sinumpong ito ng epilepsy na maaaring dahilan ng kaniyang pagkahulog.
Samantala, sinabi ni PLt. Marlon Martinez, deputy chief of police ng PNP Paoay na lumalabas na mayroong hindi pagkakaunawaan ang pamilya ng biktima bago ang insidente.
Hindi na rin aniya interesado ang pamilya ng biktima na sumailalim sa otopsiya ang bangkay dahil naniniwala silang walang foul play na nangyari.
