Arestado ang isang 58-anyos na lalaki dahil sa paglabag sa election gun ban sa Barangay Poblacion sa Laguna.
Kinilala ni Police Lt. Gen. Rhoderick Armamento, commander ng Area Police Command for South Luzon, ang suspek na si Efren Robiso, may asawa, walang trabaho, at residente ng Barangay Poblacion.
Nahuli ng mga pulis si Robiso matapos iulat ng isang concerned citizen na ilegal na nagpapalabas ng caliber.38 Smith at Wesson revolver ang suspek.
Si Robiso ay may baril na may laman na apat na bala at isang fired cartridge case.
Nasa kustodiya na siya ngayon ng Alaminos Municipal Police Station.
Samantala nasa kustodiya naman na ngayon ng Logistic Section ang mga nakumpiskang baril at bala para sa tamang disposisyon at pagsasampa ng kaukulang kaso.
Sinabi ni Armamento na nilabag ng suspek ang Republic Act 10591 kaugnay ng Implementation ng election gun ban na nagsimula noong Agosto 28.
