Inihayag ni Kim Yo Jong ng North Korea – kapatid ng pinunong si Kim Jong Un, na ang isang kasunduan ng US-South Korea ngayong linggo tungkol sa pangangailangang palakasin ang seguridad ng South Korea ay magpapalala sa sitwasyon.
Ang pahayag ni Kim ay ang unang komento ng North Korea sa pagpupulong, at nagmumungkahi na magpapatuloy ang cycle nito ng mga pagpapakita ng puwersa ng militar at pagpapaunlad ng armas.
Kung matatandaan, nagpulong ngayong linggo sina US President Joe Biden at South Korean President Yoon Suk Yeol, kung saan ang Estados Unidos ay nangakong bibigyan ang South Korea ng higit na insight sa nuclear planning nito sa anumang salungatan sa North Korea sa gitna ng pagkabalisa sa lumalaking arsenal missile and bombs ng Pyongyang.
Bibisita rin ang US Navy nuclear-armed ballistic missile submarine (SSBN) sa South Korea sa unang pagkakataon mula noong 1980s, upang makatulong na ipakita ang desisyon ng Washington na protektahan ang bansa mula sa pag-atake ng North Korea.
