Kinumpirma ni Department of the Interior and Local Government (DILG) Sec. Eduardo M. Año na kanila nang ikinukunsidera ang kaso ng Jolo Cathedral bombing na “case solved” na matapos sumuko sa otortidad ang limang pangunahing mga suspek.
“As far as the government is concerned, the Jolo bombing case is already solved. We have already identified the perpetrators of the bombing and they are now under police custody. As to the other conspirators, an intensive manhunt is now underway and we will continue to pursue them until all those involved are brought to the bar of justice,†pahayag ni Año.
Kinilala ng kalihim na ang bombers ay Indonesian couple pero ang pagtukoy sa pagkakakilanlan ng mga ito ay nasa proseso na ngayon.
Nilinaw naman ni Año na ang kanilang naging basehan ay ang resulta ng post blast at forensic investigation, pahayag ng mga survivors at intelligence reports.
Tinukoy naman ni PNP Chief, Director-General Oscar Albayalde ang limang mga sumukong suspek na sina Kammah Pae alyas Kammah, miyembro ng Ajang-Ajang; Albaji Kisae alias Awag at anak nitong si Rajan Bakil alyas Radjan; Kaisar Bakil alias Isal; at Salit Alih alias Papong.
Sinabi ni Año na ongoing sa ngayon ang hot pursuit operations laban sa 14 pang kasabwat sa pagsabog kabilang si Abu Sayyaf leader Hatib Hajan Sawadjaan.
Ang mga akusado ay sinampahan ng 23 counts of murder, 95 counts of frustrated murder, and damage to property sa Sulu Provincial Prosecutor’s Office nuong Lunes.
“With this case solved, we are one step closer in giving justice for the death of the victims. Congratulations sa mabilis na aksyon ng ating kapulisan at military!†wika ni Año.
Pinatitiyak naman ng kalihim sa PNP na palagi itong naka alerto at palakasin pa ang security measures para maiwasan na may makalusot pa na mga terroristice activities.
Hinimok din nito ang publiko na agad i report sa pulisya o barangay kung may mga kahina hinalang indibidwal na aaligid sa kanilang komunidad.
